Prófarkalestur með gervigreind

Hvað gerir Altalandi?

Altalandi hefur tvær stillingar. Prófarkalesa lagar villur og ekkert annað: stafsetningarvillur, greinarmerki og orðabil eru leiðrétt strax, en málfræðileiðréttingar sem skipta einu orði út fyrir annað færðu sem tillögur sem þú samþykkir með einum smelli. Góður texti stendur óbreyttur.

Bæta textann gengur lengra. Það bætir málfarið, orðavalið og setningaskipanina, fjarlægir þýðingarbrag og sníður málsniðið að tilefninu, hvort sem textinn á að vera formlegur, hlutlaus eða hlýlegur.

Hverri breytingu fylgir rökstuðningur, svo þú sérð nákvæmlega hvað var lagfært og hvers vegna. Merkingin er borin saman við frumtextann, og finnist merkingarmunur færðu frumtextann aftur.

Verð

• 2.000 orð á dag eru ókeypis á hvern aðgang, nema í hágæðaritun.
• Umfram það kostar yfirlesturinn um 80 kr. fyrir hver 1.000 orð og greiðist af inneign.
• Engin áskrift og engin binding. Sjá nánar í verðskránni.

Altalandi eða prófarkalesari?

Spurt og svarað

Lagar Altalandi stafsetningarvillur?

Já. Veldu „Prófarkalesa“: þá lagar Altalandi stafsetningarvillur, greinarmerki og orðabil og stingur upp á málfræðileiðréttingum, svo sem á falli og samræmi, sem þú samþykkir eða hafnar. Annað í textanum stendur óbreytt.

Hver er munurinn á „Prófarkalesa“ og „Bæta textann“?

Prófarkalestur lagar aðeins villur og heldur orðalaginu þínu. „Bæta textann“ endurskrifar texta sem hljómar eins og þýðing eða gervigreind svo hann lesist eins og Íslendingur hafi skrifað hann, en lætur góðan texta í friði.

Getur Altalandi lesið yfir enskan texta?

Altalandi þýðir enskan texta yfir á eðlilega íslensku. Það les ekki yfir texta sem á að vera á ensku.

Hvenær þarf ég prófarkalesara?

Prófarkalesari af holdi og blóði er besti kosturinn fyrir bækur, lagatexta og annað sem fer á prent eða þarf að standast nákvæma skoðun.